Kesheli beri Syr boıynda taǵy 3 adamǵa vırýs juqqany belgili boldy. Tórtinshi sáýir kúni keshke Shıeli aýdanynan 2 adamnyń, búgin Qarmaqshy aýdanynan bir turǵynnyń boıynan dert belgisi baıqalǵany anyqtalyp otyr. Bul týraly búgin óńirlik kommýnıkasııalar alańynda oblystyq Densaýlyq saqtaý basqarmasynyń basshysy Jaqsylyq Ábdisámetov habarlady.
- Shıeli aýdanynda indet Petropavl qalasynan kelgen stýdenttiń boıynan tabylǵan. Onyń dertti qurbysyna da juqtyrǵany anyqtalyp otyr. Al úshinshi naýqas 50 jastaǵy azamat, – deıdi bas dáriger.
Jaqsylyq Ábilqasymuly dertti taratpaýdyń basty sharty oqshaýlaný tártibin saqtaý ekendigin taǵy bir eske salyp ótti. Búgingi kúni qarapaıym ǵana erejeni saqtamaǵandyqtan el ishin vırýs keýlep barady. Mysaly, alǵashqy anyqtalǵan naýqaspen jaqyn qarym-qatynasta bolǵandar arasynan 21 adamnyń boıynan ınfeksııa tabylǵan.
Búginde oblysta jalpy sany 31 naýqas osy indetten em alyp jatyr.
Qyzylorda oblysy