Ispanııa Eýropada koronavırýstan bolatyn ólim-jitim boıynsha 3 orynda tur. Bul týraly QR Prezıdent janyndaǵy Tótenshe jaǵdaı rejımin qamtamasyz etý jónindegi Memlekettik komıssııanyń Jedel shtaby habarlady.
Jedel shtabtyń málimetterine qaraǵanda, koronavırýsty juqtyrǵandar sanynyń qarqyndy túrde ósýine baılanysty Ispanııada tótenshe jaǵdaı rejımi taǵy 15 kúnge sozylady. Vırýsty juqtyrǵandardyń kóbi Madrıdte tirkelgen — 34 188 adam. Ekinshi orynda Katalonııa tur — 23 460 adam.
Ispanııada koronavırýstan qaıtys bolǵandardyń sany 11 025 adamǵa jetti. Saýyǵyp shyqqandar — 30 513 adam. Bul elde COVID-19-ben kúrestiń jaqsy nátıjeler berip, jańa juqtyrý jaǵdaılarynyń aıtarlyqtaı tómendeýi baıqalǵanyna qaramastan, Ispanııa Úkimeti qatań oqshaýlaý sharalaryn ázirge saqtap otyr. Sondyqtan el bıligi karantındi 26 sáýirge deıin uzartý týraly sheshim qabyldady.