Halyqaralyq dzıýdo federasııasynyń prezıdenti Marıýs Tokıo Olımpıadasy 2021 jylǵa aýystyrǵanyna baılanysty dzıýdodan Olımpııa oıyndaryna irikteý jarystarynyń ýaqyty sozylǵanyn habarlady. Sonymen qatar ol bıylǵy básekeler 30 maýsymǵa deıin toqtaǵanyn málimdedi dep habarlady UOK baspasóz qyzmeti.
«HOK sheshiminen soń Halyqaralyq dzıýdo federasııasy barlyq sheshimderdi qarastyrýda. Covid-19 saldarynan toqtatylǵan jarystar jalǵasyn tabady. HOK usynysy boıynsha, Olımpıadaǵa irikteý týrnıri 2021 jyldy 29 maýsymyna deıin aıaqtalady. IJF Olımpıadaǵa irikteý týrnıriniń jańa merzimindegi jarystar tizbegin saqtaıdy. 2021 jylǵy álem chempıonaty merzimin de aýystyryp, irikteý kezeńine qosýǵa bolady. Biraq koronavırýsqa baılanysty bul týraly naqty sheshim qabyldanǵan joq. Katardaǵy «Masters» týrnıri irikteý týrnıriniń bir bólshegi retinde qalady. 2020 jyldyń 30 maýsymyna deıingi jarystardyń barlyǵy toqtatyldy», dedi IJF prezıdenti Marıýs Vızer.
Aıta ketelik, Tokıo Olımpıadasy 2021 jyldyń 23 shildesi men 8 tamyzy aralyǵynda ótedi.