Elordanyń «Barys» hokkeı klýby resmı saıtynda bas bapker Andreı Skabelka qyzmetinen ketkenin habarlady. Sondaı-aq jańa bas jattyqtyrýshy izdep jatqandaryn da málim etti.
«Barys» hokkeı klýby bas bapker Andreı Skabelkamen eńbek kelisimshartyn uzartýǵa kelise almady. Belarýs mamanymen qazirgi kelisimshart 2020 jyldyń 30 sáýirinde aıaqtalady. Osylaısha, Andreı Skabelka men onyń bapkerlik shtabyna alǵysymyzdy bildiremiz. Sondaı-aq komandaǵa jańa bas bapker izdep jatqanymyzdy da málimdeımiz», delingen habarlamada.
49 jastaǵy Andreı Skabelka «Barys» tizginin 2018 jyly qolyna alǵan bolatyn. Eki jyldyń ishinde jerlesterimiz táýir nátıje kórsetti. Atap aıtar bolsaq, eki jyl qatarynan Qurlyqtyq hokkeı lıgasynda Chernyshev dıvızıonynda top jardy. Sonymen qatar eki jyl Gagarın kýbogynyń pleı-off kezeńiniń ekinshi aınalymyna shyqty.