Keshe palata Tóraǵasy Nurlan Nyǵmatýlınniń tóraǵalyǵymen úshinshi parlamenttik sessııadaǵy Májilistiń alǵashqy bıýro otyrysy ótti, dep habarlady osy palatanyń baspasóz qyzmeti.
Keshe palata Tóraǵasy Nurlan Nyǵmatýlınniń tóraǵalyǵymen úshinshi parlamenttik sessııadaǵy Májilistiń alǵashqy bıýro otyrysy ótti, dep habarlady osy palatanyń baspasóz qyzmeti.
Otyrysta Qazaqstan Respýblıkasynyń Prezıdenti Nursultan Nazarbaevtyń Parlamenttiń úshinshi sessııasynyń ashylýyndaǵy tapsyrmalary talqylandy. Elbasy aıqyndap bergen jańa tapsyrmalar boıynsha zań jobalarynyń úlken bir toby qalyptastyrylyp, palata aldaǵy jalpy otyrysta qorytyndy ázirleý mezgilin naqtylaıtyn boldy.
Olardyń ishinde alǵashqy kezekte: «2014-2016 jyldarǵa arnalǵan respýblıkalyq bıýdjet týraly», «Qazaqstan Respýblıkasynyń Ulttyq qorynan 2014-2016 jyldarǵa arnalǵan kepildik berilgen transfert týraly» jáne «Respýblıkalyq jáne oblystyq bıýdjetter, respýblıkalyq mańyzy bar qala, astana bıýdjetteri arasyndaǵy 2014-2016 jyldarǵa arnalǵan jalpy sıpattaǵy transfertterdiń kólemi týraly» elimizdiń basty qarjy qujatyna qatysty zań jobalary bar.