Jýyrda Soltústik Qazaqstan oblysy Ǵ.Músirepov aýdanynda ýchaskelik polısııa ınspektory kúdikti júrispen aqyryn jyljyp bara jatqan «VAZ-21099» avtokóligin baıqap qalady. Kólikti toqtatqanda onyń 1985 jylǵy júrgizýshisiniń aýzynan alkogoldiń ıisi múńkip turǵan. Medısınalyq kýálandyrý onyń orta dárejedegi mas ekenin anyqtaǵan.
Tekseris barysynda onyń júrgizýshilik kýáliginen sot sheshimimen alty jyl buryn aıyrylǵany anyqtaldy.
«Alǵash ret ol júrgizýshi kýáliginen 2014 jyly aıyrylǵan, ol kezde kombaınǵa masań kúıde otyrǵan, - dep túsindirdi Ǵ. Músirepov aýdany PB bastyǵy, polısııa podpolkovnıgi Aıdos Idirisov. - Al ekinshi ret spırttik ishimdik ishken kúıinde kólik júrgizgeni úshin 2017 jyly sot sheshimimen 100 saǵatqa qoǵamdyq jumystarǵa tartý túrindegi jazasyn ótegen. Bıyl 11 qańtardan kúshine engen zańnamadaǵy ózgeristerge baılanysty endi júrgizýshi 3 jylǵa deıin bas bostandyǵynan jáne ómir boıyna basqarý quqyǵynan aıyrylýy múmkin».
Qazir osy fakti boıynsha Qylmystyq kodekstiń 346-baby «Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese kólik quralyn sondaı adamnyń basqarýyna jol berý» boıynsha Sotqa deıingi tergep-tekserýdiń biryńǵaı tizimine engizildi. Kúdiktiniń kóligi arnaıy turaqqa qoıyldy.
SQO-da jyl basynan basqarý quqyǵynan aıyryla tura, masań kúıde rólge otyrǵan 15 júrgizýshi qylmystyq jaýapkershilikke tartyldy.
Soltústik Qazaqstan oblysy