Bıylǵy 4-6 sáýir aralyǵynda memlekettik kirister organdarymen dara kásipkerler men jeke praktıkamen aınalysatyn tulǵalardyń 320 myńnan asa banktik shottaryna qoıylǵan shekteýler keri qaıtaryldy. Bul jeke tulǵalardyń 42500₸ áleýmettik járdemaqyny alýyna múmkindik berý úshin jasaldy, dep habarlady Memlekettik kirister komıteti.
Memleket basshysynyń tapsyrmasyn oryndaý sheńberinde tótenshe jaǵdaıdyń qoldanylý kezeńinde Memlekettik áleýmettik saqtandyrý qorynan tótenshe jaǵdaıǵa baılanysty tabystan aıyrylǵan adamdarǵa 42500 teńge somasynda aı saıynǵy áleýmettik kómek aýdarý bastalǵan.
Osyǵan oraı, aýmaqtyq MKD táýekel dárejesi joǵary salyq tóleýshilerdi qospaǵanda, dara kásipker retinde tirkeýde turǵan jeke tulǵalarǵa jáne jeke praktıkamen aınalysatyn tulǵalarǵa qatysty shyǵarylǵan bank shottary boıynsha shyǵys operasııalaryn toqtata turý týraly ókimder men ınkassalyq ókimderdi qoldap keri qaıtarýda.