Elordada salynyp jatqan aýrýhananyń qurylysy 12 kúnde aıaqtalady dep josparlanýda.
Qazaqstanda koronovırýstyq ınfeksııaǵa qarsy úsh medısınalyq mekemeniń qurylysy bastaldy. Olar indetten keıin qarapaıym medısınalyq mekeme retinde jumysyn jalǵastyrady.
Elordadaǵy juqpaly aýrýhana 200 oryndy (reanımasııadaǵy 20 oryndy qosqanda) qamtıdy dep josparlanyp otyr.
Almatydaǵy nysan 280 orynǵa eseptelse, Shymkenttegi aýrýhana 200 naýqasty qabyldaı alatyn bolady.
Úkimet medısınalyq mekemelerdi qysqa merzimde salyp, iske qosýdy BI Group holdıngine tapsyrdy.
Elordadaǵy nysannyń jer jumystary aldyn ala júrgizilip, qurylys 5 sáýirde bastaldy. Qazirgi ýaqytta ınjenerlik jelilerdi montajdaý jumystary aıaqtalyp, nemis tehnologııasy boıynsha MODEX zaýytynda jasalǵan modýldik temirbeton bloktar ornatylýda.