Keshe oblystyń bas sanıtarııalyq dárigeriniń № 7 qaýlysy qabyldandy. Osyǵan deıingi karantındik sharalar kúsheıtilip, keıbir shekteýler talaby qataıa tústi. О́ıtpeske taǵy bolmaı tur – óńirde dert juqtyrǵandardyń qatary sát sanap ósip barady.
Jańa qaýlyǵa baılanysty oblystyq taýarlar, qyzmetterdiń sapasy men qaýipsizdigin baqylaý departamenti basshysynyń orynbasary, aımaqtyń bas sanıtarııalyq dárigeri Álııa Ábdiqaıymova óńirlik kommýnıkasııalar qyzmetinde onlaın brıfıng ótkizdi. Oblysta tirkelgen naýqastardyń shamamen 60-70 prosenti jastar eken. Bul negizinen dárigerlerdiń eskertýine qulaq aspaı, saýyq keshin uıymdastyrýdan bolyp otyr.
- Toptyq jaǵdaılar kóptep tirkelip jatyr. Bir aýyldan 25 syrqat shyqty. Aýrýdyń aldyn alý sharalaryn qatańdatatyn jańa qaýly boıynsha kóshede toptasyp júrýge tyıym salynyp otyr. Úı karantınin saqtańyzdar! Qonaqqa barmańyzdar, qonaq shaqyrmańyzdar, - dedi ol.
Tipti, ólim-jitim jaǵdaıynda jınalýǵa shekteý qoıyldy. О́ıtkeni saqtyq sharalarynyń buzylýynan óńirde epıdemıologııalyq ahýal odan saıyn órshýi múmkin. Qazir Qyzylorda elimiz boıynsha aýrý sany jóninen aldyńǵy úsh oblystyń qatarynda tur.
Qyzylorda oblysy