Qyzylorda qalasynda ınfeksııa taralýynyń aldyn alý úshin №66597 áskerı bólim qyzmetkerleri jáne arnaıy mekemeler mamandary búgingi kúnge deıin jalpy kólemi 356 myń sharshy metr bolatyn 131 aýmaqty zalalsyzdandyrdy.
Qaladaǵy qoǵamdyq kólikter, aıaldamalar, temirjol men avtovokzaldarǵa, iri kásipkerlik nysandarǵa, bazarlar jáne adam kóp júretin kóshelerge, kópqabatty turǵyn úıler aýmaqtaryna jáne áleýmettik nysandarǵa dezınfeksııa jasaldy.
Búgin qalanyń shet aýmaǵy sanalatyn ál-Farabı, S.Toraıǵyrov, Hon-Ben-Do kósheleri jáne turǵyn-úı aýlalarynda ornalasqan balalar oıyn alańdary, aıaldamalar men qoqys jáshikteri zalalsyzdandyrylýda. Kósheler gıpohlorıd kalsıı eritindisi qosylǵan qospamen, ǵımarattar dıohlorıd eritindisi men dezınfeksııalanady. Bul jumystar ári qaraı bekitilgen keste aıasynda turaqty júrgizilip otyrady,– deıdi qalalyq turǵyn úı-kommýnaldyq sharýashylyǵy, jolaýshylar kóligi, avtomobıl joldary jáne turǵyn úı ınspeksııasy bólimi basshysynyń orynbasary Birjan Dalabaev.
Jalpy qalada dezınfeksııalaý jumystary 26 naýryzdan bastalyp, áýelgide temirjol vokzaly men avtovokzal mańaıy zalalsyzdandyrylǵan bolatyn.