Túrkistan oblysynda 8 sáýirdegi sońǵy málimet boıynsha koronavırýs indetin juqtyrǵan taǵy 1 adam tirkeldi. О́ńirde qazirgi tańda jalpy 34 adamda koronavırýs indeti rastalyp otyr.
Indet juqtyrǵan azamat 1995 jyly týǵan Ordabasy aýdany, Badam aýyldyq okrýgi, Derbes aýylynyń turǵyny. Ol COVID-19 ınfeksııasy rastalǵan azamatpen jaqyn baılanysta bolǵan.
Jalpy oblys boıynsha Jetisaı aýdanynda – 14 adam tirkelgen, onyń ishinde 64 jastaǵy azamat 4 sáýir kúni qaıtys boldy. Sondaı-aq, Kentaý qalasynda - 5, Ordabasy aýdanynda - 2, Saıram - 2, Maqtaral - 4, Arys - 6, Saryaǵash aýdanynyń 1 turǵyny indetke shaldyqqan. Vırýs juqtyrǵan azamat oqshaýlanǵan, em qabyldaýda.
Túrkistan oblysy