Syrdarııa aýdanynda #BizBirgemiz aksııasy aıasynda Nur Otan partııasynyń múshesi, oblystyq máslıhat depýtaty, kásipker Rasýl Esenov 250 otbasyǵa kómek kórsetti.
Osyǵan deıin de qınalǵandy qamqorlyqtan shet qaldyrmaǵan kásipker bul joly ár otbasyǵa 10 keli kúrish, 2 lıtrlik kúnbaǵys maıy jáne 5 keli makaron taratty.
- Bul kezeń bárimiz úshin synaq. Osy ýaqytqa deıin elimizde tótenshe jaǵdaı jarııalanǵan emes. Osydan da kóp adam qınalyp qalyp jatyr. Sondyqtan da tyǵyryqtan birge shyǵýdyń jolyn qarastyryp, bir-birimizge qoldaý tanytýymyz kerek, – deıdi kásipker.
Qazir aýdanda 8 turǵynnan vırýs belgisi tabylyp, birqatar shekteý sharalary jasaldy. Bul eń aldymen áleýmettik jaǵynan az qamtylǵandar úshin qıyn tıetini belgili. Sondyqtan da kómek alǵandar osyndaı qysyltaıań sátte qolushyn sozǵan kásipkerge rızashylyǵyn bildirdi.