Atyraý oblystyq polısııa departamenti baspasóz qyzmetiniń málimetine súıensek, qala kóshelerinde jedel toptar men jaıaý narıadtar táýlik boıy kezekshilik atqarady. Karantın talabyna baılanysty Atyraý qalasyna kirip-shyǵý shekteldi.
Osyǵan baılanysty Almaly, Besikti, Qaraózek jáne Qarabatan blok-posttary mańaıyndaǵy aınalma joldardy mobıldi toptar patrýldeıdi. Oǵan irgeles aýmaqtar dron kómegimen baqylanyp otyr.
«Sáýirdiń 7-nen 8-ne, 8-nen 9-na qaraǵan túnde kóshege sebepsiz shyqqany úshin polısııaǵa 70-ke jýyq azamat jetkizildi. Olarǵa qatysty QR Ákimshilik quqyqbuzýshylyq týraly kodestiń 476-babymen ákimshilik hattamalar toltyrylyp, materıaldar sotqa joldandy. Oblysta tótenshe jaǵdaı rejımin buzǵany úshin 180 adam ákimshilik jaýapkershilikke tartyldy. Onyń 67-i qamaýǵa alyndy» -dep habarlady oblystyq polısııa departamenti baspasóz qyzmeti.
Tótenshe jaǵdaı engizilgeli beri mas kúıinde polısıǵa qarsylyq tanytqan 9 adamǵa qatysty QR Ákimshilik quqyqbuzýshylyq týraly kodekstiń 478-babymen hattamalar toltyrylypty. Sondaı-aq, blokpostardy aınalyp ótýge tyrysqan 21 árekettiń joly kesilgen. Onyń ishinde 13-i jeke avtokólikpen aınalma joldarda toqtatyldy. О́ńir polıseıleri 3 000-nan astam túsindirme júrgizdi.
Jumasat ǴAZIZ