Bul jóninde qalalyq ákimshilik sottyń baspasóz qyzmeti málimdedi.
Karantın aımaǵyn kesip ótkeni úshin 208 azamat ákimshilik jazaǵa tartylǵan. Olar 5 táýlikten 10 táýlikke deıin qamaýǵa alynypty. 93 quqyqbuzýshy 10 AEK mólsherinde ákimshilik jaýapkershilikke tartylsa, 3 azamat eskertý alǵan.
«Karantın merziminde ákimshilik jaýapkershilikke 57 quqyqbuzýshy tartyldy. Olardyń 21-i 5-10 táýlikke qamaýǵa alynsa, 34-ine aıyppul salyndy. 1 adam eskertý aldy. Kóshede sebepsiz júrgen 108 adam qamaýǵa alynsa, 174 adamǵa aıyppul salynǵan, 20 adam eskertý aldy. Polısııa qyzmetkeriniń zańdy talabyn oryndamaǵany úshin 4 adam 5-30 táýlikke qamaýǵa alynsa, 1 adamǵa 10 AEK mólsherinde aıyppul salyndy» dedi Almaty qalalyq sotynyń baspasóz qyzmeti.
Ákimshilik jazaǵa tartylǵandardyń qatarynda shahardaǵy «Voshod», «Emıl» restoran, «Sentr shashlyka», «Barbeque» dámhanalary, «Loto Club» oıyn zaly, «Mechta Market» JShS, «Genesys», «Ultimate» oıyn klýbtary, Sulpak JShS, «Arena-s» JShS, «Zýgo» JShS, «Makon», «Fıssman» dúkeni, «Lıýbımaıa posýda» JShS, «Beauty group» sulýlyq salony, Shotanov JK, «Vzletka» túngi klýby, «Gevon» JShS, Loto Klýb Makon, «Tehnodom», «Kifs» JK, «Bıýro perevodov BM63» JK, «Daýtova» JK, «Malıka» ashanasy, «Sheber» TQKS, «MAES» TQKS, «Vaıldberrız» JShS, Tlebaldıeva B.A. JShS Shop, «Samat» JK, «Praıd» braıd, Baıbýlsınov JK, Excelshop sport dúkeni, «Bal-Meır» qonaq úıi, «Stoloffka» ashanasy, «Salahuddin2 dúkeni, «Alatau Salyk» JK, «OIL CENTER» TQKS sekildi ujymdar bar.