Atyraý oblysynyń ákimi Mahambet Dosmuhambetovtiń ókimimen Baýyrjan Zaınedenuly Tuhfatov oblystyq energetıka jáne turǵyn úı-kommýnaldyq sharýashylyq basqarmasynyń basshysy bolyp taǵaıyndaldy.
Baýyrjan Zaınedenuly 1967 jyly 25 jeltoqsanda Atyraý qalasynda dúnıege kelgen. 1985-1992 jyldary V.Lenın atyndaǵy Reseı energetıkalyq ınstıtýtynda ınjener-elektrık mamandyǵy boıynsha bilim alǵan. Al, 2005 jyly Atyraý munaı jáne gaz ınstıtýtyn ekonomıka jáne basqarý mamandyǵymen bitirgen. Tehnıka ǵylymdarynyń kandıdaty.
Eńbek jolyn 1992 jyly «Atyraý-Jaryq» AQ-da ınjener bolyp bastaǵan. 2004 jylǵa deıin atalǵan kompanııada apatqa qarsy avtomattyq ortalyq qyzmetiniń jetekshisi, ortalyq qyzmeti bastyǵynyń orynbasary, óndiristik-tehnıkalyq qyzmetiniń bastyǵy-bas ınjenerdiń orynbasary, metrologııalyq qyzmet bastyǵy-bas metrolog, birinshi vıse-prezıdenttiń orynbasary-bas ınjener bolyp jumys istegen.
2006-2013 jyldar aralyǵynda «OblTransGaz» kommýnaldyq memlekettik kásipornynyń bas dırektory, 2013 jyly Jylyoı aýdany ákiminiń orynbasary, 2014 jyly Maqat aýdany ákiminiń orynbasary bolǵan.
2017-2018 jyldary Oral qalalyq turǵyn úı-kommýnaldyq sharýashylyq jáne turǵyn úı ınspeksııasy bóliminiń basshysy laýazymyn atqarǵan.
Jumasat ǴAZIZ