Bul týraly keshe tún aýa Reseıdiń Energetıka mınıstri Aleksandr Novak málimdedi, dep habarlady RF Energetıka mınıstrliginiń baspasóz bólimi.
Keshe túnde A. Novak «Rossııa 24» tilshisine bergen suhbatynda kelisimge 23 el qatysqanyn aıtty.
«Barlyǵy mamyr jáne maýsym aılarynda OPEK jáne oǵan enbeıtin elder óndiristi táýligine 10 mıllıon barrelge qysqartýǵa kelisti. Kelesi jarty jyl ishinde biz óndiristi táýligine 8 mıllıon barrelge deıin qysqartamyz. Bul kelisim eki jylǵa jaramdy, 2021 jyly kelisimdegi parametrler táýligine 6 mıllıon barrel deńgeıinde belgilendi», dep túsindirdi A. Novak.
A. Novaktyń aıtýynsha kelisim 2022 jyldyń 1 mamyryna deıin jaramdy.
«Eki jyl – bul naryq úshin suranys pen usynystyń tepe-teńdigin qalpyna keltirýdiń mańyzdy nıeti týraly sıgnal beretin eń tıimdi kezeń ekendigi týraly kelisimge keldik. Bul kezeńdi uzartýǵa, naryq tezirek qalpyna kelgen jaǵdaıda, óndiristi qysqa merzimde qalpyna keltirý týraly sheshim qabyldandy», – dep tolyqtyrdy Novak.
Sonymen birge, TASS-tyń habarlaýynsha, Amerıka Qurama Shtattary Meksıkaǵa munaı óndirisin azaıtýǵa kómektesedi. Ońtústik Amerıka eli óndiristi táýligine 100 myń barrelge, al Amerıka Qurama Shtattary kúnine 250 myń barrelge qysqartady. Jalpy, Soltústik Amerıka eli qara altyn óndirisin táýligine 2 mıllıon barrelge azaıtýdy josparlap otyr.
G20 kelissózderi aıasynda Brent markaly munaı baǵasy saýdanyń jabylýynda 31,82 dollardy qurady. Alaıda, keshke baǵalary barreline 35 dollardan joǵary kóterildi, biraq kóp uzamaı ortasha deńgeıge qaıta oraldy. Sonymen birge, OPEK Bas hatshysy Mohammed Barkındo boljamy boıynsha, sáýirde álemde munaı tutyný kúnine 20 mıllıon barrelge deıin rekordtyq deńgeıde tómendeıdi. 2020 jylǵa qaraı ortasha jyldyq quldyraý táýligine 7 mıllıon barrel bolady.
OPEK málimetteri boıynsha, munaı qory maksımaldy 3900 mln barrel deńgeıinde kóbeıedi degen boljam bar. Jyldyń aıaǵynda olardyń deńgeıi 3700 mıllıon barrelden asýy múmkin.
Buǵan deıin Bas hatshy Barkındo munaıǵa suranystyń buryn-sońdy bolmaǵan tómendeýin boljaǵan bolatyn. Sol kúni OPEK + elderi óndiristi qysqartý týraly kelisimdi 10 sáýirge deıin keıinge qaldyrdy. Oǵan Meksıkanyń óndiristi táýligine 400 myń barrelge qysqartý týraly kelispeýshiligi sebep boldy. Alaıda, aldyn ala kelisim boıynsha, elder óndiristi táýligine 10 mıllıon barrelge qysqarta alady.