Almatyda qyzmetkerleri koronavırýs indetin juqtyrdy dep tanylǵan №12 ortalyq klınıkalyq aýrýhananyń qabyldaý bólimi men taǵy bir bólimi karantınge jabyldy. Buǵan deıin mekemeniń 12 qyzmetkeriniń ınfeksııa juqtyrǵany anyqtalǵan bolatyn.
Qalalyq qoǵamdyq densaýlyq saqtaý basqarmasynyń baspasóz qyzmeti málimdegendeı, osyǵan baılanysty qalalyq ortalyq klınıkalyq aýrýhananyń qabyldaý bólimi jáne taǵy bir bólim karantınge jabyldy.
«Naýqastardy qabyldaý bólimi men bir bólim dezınfeksııa jasaý úshin jabyldy. Indet juqtyrǵandarmen jaqyn baılanysta bolǵan qyzmetkerler baqylaýǵa alyndy. Inkýbasııalyq kezeń 14 kún bolǵandyqtan osy ýaqytta, ıaǵnı qyzmetkerler kezekshilikte bolǵan kúnderi baılanysta bolǵan pasıentter de izdestirilip jatyr», - dedi basqarmanyń baspasóz qyzmeti.