«Ohotzooprom» О́B» RMQK Qyzylorda óńirlik fılıalynyń ınspektorlary keshe túngi reıdte oblys ortalyǵynyń irgesindegi Dosan aýylynyń mańynan eki Toıota Lend Krýzer avtokóligin baıqaıdy.
Qalaǵa kiretin tosqaýyl beketin aınalypótip bara jatqan kóliktegiler bulardy kórisimen kúrishtik arqyly jol qysqartyp, boı tasalamaq bolypty. Bul týraly Qazaqstan Respýblıkasy Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń Feısbýk jelisindegi paraqshasynda jarııalanyp otyr.
Qýǵyn kezinde qashqan kóliktiń biri aýdarylyp, ishindegiler kelesisine aýysyp minip, uzap ketken. Al aýdarylǵan kólik ishinen múıizi kesilgen 54 kıik, 224 dana múıiz, 25 oǵy bar MR-153 markaly ańshy myltyǵy, dúrbi men pyshaq tabyldy.
Arnaıy ań aýlaýǵa laıyqtalǵan kóliktiń memlekettik nómiri áldeqashan esepten shyǵarylǵan bolyp shyqty. Qazir oblys polıseıleri osy oqıǵaǵa baılanysty jedel-izdeý sharalaryn bastady.