1961 jyly 12 sáýirde tuńǵysh ǵaryshker - Iýrıı Alekseevıch Gagarın ǵaryshqa qazaq jerindegi «Baıqońyr» ǵarysh aılaǵynan ushty.
Avıasııa jáne kosmonavtıka kúnine halyqaralyq mártebe 1968 jyly Halyqaralyq avıasııa federasııasynyń konferensııasynda berildi. 2011 jyldan bastap oǵan taǵy bir ataý qosyldy - Adamnyń ǵaryshqa ushýynyń halyqaralyq kúni (International Day of Human Space Flight). 2011 jyldyń 7 sáýiri kúni BUU Bas Assambleıasynyń arnaıy plenarlyq otyrysynda ǵarysh keńistigin ıgerý isindegi alǵashqy qadamǵa 50 jyl tolýyna oraı arnaıy qarar qabyldandy. Onyń teń avtorlary álemniń 60-tan astam memleketi boldy.