Naýryz aıynda koronavırýspen kúreske tartylǵan 243 medısına qyzmetkerine 40,2 mln teńge kólemindegi alǵashqy tólemder jasaldy. Jalpy, úsh aıǵa respýblıkalyq bıýdjetten, shamamen, 314 mln teńge bólindi. Odan ári dárigerler sáýir-mamyr aılary úshin de qosymsha tólemderin alatyn bolady. Bul týraly Mańǵystaý oblysy densaýlyq saqtaý basqarmasynyń baspasóz qyzmeti habarlady.
Elimizde vırýstyń taralýyna qarsy tıimdi sharalardy ázirleý, qazirgi jaǵdaıda medısınalyq qyzmetkerlerge áleýmettik qoldaý kórsetý maqsatynda, epıdemııaǵa qarsy sharalarǵa qatysqan mańǵystaýlyq 243 dáriger jalaqyǵa qosymsha ústeme aldy. Birinshi aıda tólemderdiń jalpy somasy 40,2 mln teńgeni qurady. Atalǵan qarajat respýblıkalyq bıýdjet esebinen bólindi. Sonymen qatar, 14 sáýirge deıin jedel járdem qyzmetkerleri, sondaı-aq blok-post jumysshylaryna ústeme aqy tólenedi dep kútilýde.
Tólemder naqty jumys istegen ýaqyt úshin, koronavırýs ınfeksııasymen tikeleı jumys isteıtin úsh qaýip tobyna sáıkes júrgizildi: 1-top «О́te joǵary qaýip» - juqpaly aýrýlar aýrýhanalarynyń dárigerleri, orta jáne kishi medısına qyzmetkerleri, sonyń ishinde reanımasııa bólimsheleri. Bul táýekel toby úshin 20 JTM (850 myń teńge) belgilengen, juqpaly aýrýlar bóliminiń 24 qyzmetkerine 4,8 mln teńge somasy tólendi.
«Joǵary qaýip» ekinshi tobyna 10 JTM (425 myń teńge) – provızorlyq stasıonardyń 101 dárigeri, orta jáne kishi medısına qyzmetkerleri 27,1 mln teńge somasynda ústemeaqy aldy. Sondaı-aq, «Ortasha qaýip» úshinshi táýekel sanaty boıynsha 5 JTM (212,5 myń teńge) – karantındik stasıonardyń 118 dárigeri, orta jáne kishi medısına qyzmetkerleri jalaqyǵa 8,3 mln teńge ústemeaqy aldy.
Búgin qosymsha tólemder jedel járdem qyzmetkerlerine, sondaı-aq blok-posttardaǵy karantın rejımin qamtamasyz etetin medısınalyq qyzmetkerlerge tólenedi.
-«SOVID-19 koronavırýsymen kúres sheńberinde epıdemııaǵa qarsy is-sharalarǵa tartylǵan densaýlyq saqtaý uıymdarynyń jumyskerlerin qarjylyq qoldaýdyń keıbir máseleleri týraly» Qazaqstan Respýblıkasy Densaýlyq saqtaý mınıstriniń 2020 jylǵy 4 sáýirdegi buıryǵyna sáıkes, Mańǵystaý oblysyna naýryz aıyna respýblıkalyq bıýdjetten SOVID-19 koronovırýsymen kúresý sheńberinde epıdemııaǵa qarsy is-sharalarǵa qatysatyn densaýlyq saqtaý uıymdarynyń 632 qyzmetkeri tartylyp, táýekel toptarynyń jalaqylaryna ústemeaqy tóleýge 313 mln 400 myń teńge qarajat bólindi. Alǵashqy aıy tólendi, endigi jerde aldaǵy eki aıda qalǵan qosymsha tólemder tólenetin bolady, deıdi Mańǵystaý oblystyq densaýlyq saqtaý basqarmasy basshysynyń orynbasary Taspolatova Gúlbıbi.