Qazirgi kezde ÝEFA men Eýropa klýbtary qaýymdastyǵy bıylǵy fýtbol maýsymyn qalaı da aıaqtaý jaǵyn jan-jaqty qarastyryp, osy máseleni talqyǵa salýda.
Cadena SER tilshileriniń málimeti boıynsha barlyq memleketterdiń ulttyq chempıonattary tamyz aıyna deıin óz máresine jetýge tıis. Bul matchtar kórermensiz ótedi. Odan keıin Chempıondar lıgasy men Eýropa lıgasynyń básekeleri jalǵasady. Onyń formaty edáýir ózgeriske ushyraıdy. Naqtylap aıtsaq, shırek fınaldyq jáne jartylaı fınalyq saıystar bir ǵana kezdesýden turady. Bul oıyndar beıtarap alańda ótedi. Ondaǵy maqsat – aıtýly dop dodasyn nebary eki apta aralyǵynda aıaqtaý. Al jańa fýtbol maýsymy qyrkúıek aıynda bastalady.
Esterińizge sala keteıik, koronavırýske baılanysty Eýropa elderindegi barlyq birinshilikter toqtatyldy. Qazirgi kezde Belarýs chempıonaty ǵana jalǵasýda.