Bul týraly Premer-Mınıstrdiń birinshi orynbasary - Qarjy mınıstri Álıhan Smaıylov Úkimet otyrysynda aıtty.
«Jergilikti bıýdjetterdiń shyǵystary 1,2 trln teńgege ıgerildi. Esepti kezeńde 512 aýdıtorlyq is-shara júrgizildi. Onyń barysynda 249 mlrd teńge bıýdjet qarajaty aýdıtpen qamtyldy. Nátıjesinde 91 mlrd teńgege qarjylyq buzýshylyqtar anyqtaldy. Tekserý barysynda taýarlardy jetkizý, qyzmetterdi kórsetý jáne jumystardy oryndaý, bıýdjetke óteý jáne esep boıynsha kórsetý jolymen 84 mlrd teńgege buzýshylyqtar joıyldy», dedi Álıhan Smaıylov.
Premer-Mınıstrdiń birinshi orynbasary - Qarjy mınıstriniń málimetine sáıkes, aýdıt obektileriniń qyzmetterin jetildirýge 470 usynys berilgen. Onyń 361-i oryndaldy. Jalpy somasy 5,2 trln teńgege 881 myń memlekettik satyp alý prosedýralary kameraldyq baqylaýmen qamtyldy. Nátıjesinde 250 mlrd teńge somasyndaǵy buzýshylyqtarǵa jol berilmedi.
«2016-2020 jyldardaǵy keshendi jekeshelendirý josparynyń iske asyrylýy 93,2%-dy qurady. 2020 jylǵa 68 obektini satý josparlanǵan. Onyń 37-si satylýǵa qoıyldy. Esepti kezeńde 6 obekt 3,2 mlrd teńgege satyldy. 31 obekti saýda-sattyqqa shyǵaryldy. 3 obekti qaıta uıymdastyrý jáne taratýǵa jiberildi. 28 obekti jyldyń aıaǵyna deıin satylýǵa shyǵarylady. Qarjy mınıstrliginiń aldyna turǵan basty maqsattarynyń biri – ol tıisti memlekettik organdarmen birlese naqtylanǵan bıýdjette áleýmettik salaǵa, kásipkerlerdi qoldaýǵa qarastyrylǵan qarajattardyń túpkilikti alýshylarǵa ýaqytynda jetýin qamtamasyz etý. Jyl ishinde kiristerdiń ósý qarqynyn tómendetpeı, naqtylanǵan jospardyń oryndalýyn qamtamasyz etetin bolamyz», dedi Á. Smaıylov.