Qostanaı, Lısakov, Rýdnyı, Tobyl qalalary karantınge jabylǵany týraly jalǵan aýdıojazba taratqan Meńdiqara aýdany Kaskad aýylynyń 28 jastaǵy turǵyny ákimshilik jaýapqa tartylyp, 40 AEK (106 040 teńge) kóleminde aıyppul tóledi. Sondaı-aq, «tótenshe jaǵdaı rejimin buzǵan eki bala qamaýǵa alynyp, olardyń ata-anasyna 560 myń teńge aıyppul salyndy» - degen jalǵan aqparat taratqan Amangeldi aýdanynyń turǵyny 7 táýlikke qamaýǵa alyndy.
Qazir polısııa departamentiniń tergeý óndirisinde kórineý jalǵan aqparat taratý baby boıynsha 8 qylmystyq is tekserilip jatyr.
Oblystyq polısııa departamenti baspasóz qyzmetiniń málimetinshe, polısııa búginge deıin tótenshe jaǵdaı rejimin buzǵan 388 faktini anyqtap, 227 ákimshilik materıaldy sot qaraýyna jibergen. Sot 168 is boıynsha jalpy kólemi 26510 teńge ákimshilik aıyppul belgilep, 31 adamǵa ákimshilik qamaýǵa alý týraly úkim shyǵardy. 161 materıal áli sot qaraýynda jatyr.
Polısııa oblys turǵyndarynan shekteý sharalaryna túsinistikpen qaraýdy jáne tártip talaptaryn buzbaýdy suraıdy.
Qostanaı oblysy