Qostanaı oblysynda koronavırýs juqtyrǵandardyń sany beseýge jetti. Oblys ákimdigi janynan qurylǵan jedel aqparat shtabynyń málimetinshe, 12 sáýirde Jitiqara qalasynda eki egde jastaǵy adam qyzýy kóterilip aýrýhanaǵa túsken.
Dárigerler naýqastardy jedel zerthanalyq tekserýge jiberedi. Búgin dıagnostıkalyq zertteý qorytyndysy boıynsha olardyń ekeýiniń de koronovırýs juqtyrǵany anyqtalyp otyr. Naýqastardyń biri - 74, ekinshisi 65 jasta. Qazir ekeýi de gospıtalǵa jatqyzyldy. Naýqastarmen baılanysta bolǵan adamdardyń barlyǵy anyqtalyp, medısınalyq baqylaýǵa alynǵan.
Qostanaı oblysy