Batys Qazaqstan oblysynda koronavırýs indetine shaldyqqandar sany 18-ge jetti. Sońǵy táýlikte anyqtalǵan 5 adam - Reseı Federasııasynan jumystan kelgen, onyń tórteýi batysqazaqstandyq, ekeýi – aqtóbelik turǵyndar.
- Búgingi kúni oblystyq juqpaly aýrýlar aýrýhanasynda 17 naýqas emdelip jatyr. Bireýi jazylyp shyqty. Batys Qazaqstan oblysynda osy kezge deıin tirkelgen 18 oqıǵanyń 14-i bul ınfeksııany oblys aýmaǵynan tys jerden juqtyryp kelse, 4 oqıǵa osy adamdarmen jaqyn qarym-qatynasta bolýdan juqqan, - dedi Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵalı Aryspaev.
Oblystyń bas sanıtar dárigeri málimdegen basty jańalyq - 16 sáýirden bastap oblysta karantındik sharalar odan ári kúsheıtiletini boldy. Iаǵnı erteńnen bastap Oral qalasyndaǵy barlyq qoǵamdyq kólik – avtobýstar toqtaıdy. Oblys aýmaǵyndaǵy barlyq bank bólimderi, Qazposhta bólimsheleri jumysyn ýaqytsha toqtatatyn boldy. Oblys aýmaǵyndaǵy barlyq bazar jumysyn toqtatatyn bolady. Aıta keteıik, buǵan deıin azyq-túlik bazarlary qyzmet kórsetip turǵan bolatyn.
«Bul sharanyń bári adamdardyń qozǵalysyn shekteý maqsatynda jasalyp otyr. Eger bul erejeni saqtamasaq, koronavırýstyq ınfeksııanyń taraýyn toqtata almaımyz» dedi Muhamǵalı Aryspaev.
Batys Qazaqstan