Karantın bolyp jatsa da Qyzyljardyń keıbir kásiporyndary jańa óndiris ashyp jatyr. Máselen, «SMBGROUP Family» JShS kásiporyny 1,5 tonnalyq polıpropılen qapshyqtaryn shyǵara bastady. Qazirgi modaǵa sáıkes «Big Bag» dep aǵylshynsha ataǵanymen bul qazaqsha kádimgi úlken qaptar nemese sómkeler degen sóz. Baıaǵyda da jún salatyn osyndaı qanarlar bolatyn, mynaý sonyń bir túri. Artyqshylyǵy sol – bul sý ótkizbeıdi. Sondyqtan ishindegi bıdaı, sement sııaqty zattar dymdanbaı, búlinbeı saqtalady.
Bul ásirese, qoımalarda uzaq jatatyn ónimderge paıdaly. Osy ýaqytqa deıin mundaıdy da Reseıden satyp alyp kelgen ekenbiz, endi ózimiz shyǵaratyn bolyp jatyrmyz. Ashylatyn jumys oryny - 150 adamǵa jýyq. Ázirge 35 adam jumys isteýde. Jýyrda osy óndiriske oblys ákimi Qumar Aqsaqalov ta baryp, jańa ónimdermen tanysty. «Bul ónim ásirese, tuqymdyq bıdaıyn uzaq merzimge saqtaıtyn dıhanshylarǵa qajet bolady. Jasyratyny joq, kóptegen qoımalardan sý aǵyp, saqtaǵan tuqymnyń sapasy tómendep, búline bastaıdy. Al myna alyp qapshyqtarǵa saqtalǵan ónimderge eshqandaı dym tımeıtin bolady», dedi ákim.
Bul joba «О́ndiris» memlekettik baǵdarlamasy aıasynda iske asyp otyr. Kásiporyn sol baǵdarlamanyń arqasynda jyldyq ósimi 6 paıyz ǵana bolatyn 500 mln teńge nesıe alǵan. Qapshyqtardy tigetin mashınkalar japonııalyq ónimder, kásiporyn olardyń árqaısysyn 5 myń 800 AQSh dollaryna satyp alǵan. Shıkizattyń negizgi bóligi Reseıden, sondaı-aq Taıvan sııaqty alys shetelderden alynady. Kásiporyn jylyna osyndaı qapshyqtyń 1,5 mln danasyn shyǵarýdy josparlap otyr. Kásiporynnyń quryltaıshysy Muqan Sádýovtyń aıtýyna qaraǵanda bizdiń kásiporyndarymyz mundaı ónimdi negizinen Reseıden alyp kelgen, «endi ózimiz shyǵaratyn bolamyz jáne onyń sapasy kórshi eldikinen artyq bolatynynan úmittimiz», dedi ol.
QYZYLJAR