Gýmanıtarlyq salada jumys isteıtin 50-den astam uıymnyń, sonyń ishinde DDSU, BUU balalar qorynyń, BUU Bosqyndar isi jónindegi Joǵarǵy Komıssary Keńesiniń, Qyzyl Krest jáne Qyzyl Jarty Aı halyqaralyq uıymdarynyń jáne «Balalardy qutqarý» federasııasynyń yntymaqtastyǵy «Siz meniń keıipkerimsiz: balalar COVID-19 qalaı kúresedi» kitabyn jaryqqa shyǵardy.
Kitapta Arıo atty fantastıkalyq keıipker balanyń, sondaı-aq onyń otbasyn, dostaryn koronavırýstan qalaı qorǵaı alatyndyǵy jáne de ózgermeli ortada alańdaýshylyqtan qalaı arylýǵa bolatyndyǵy týraly aıtylady.
Kitap negizinen 6 men 11 jas aralyǵyndaǵy balalarǵa arnalǵan. Tótenshe jaǵdaılar kezindegi psıhıkalyq densaýlyq jáne psıhoáleýmettik qoldaý jónindegi vedomstvoaralyq turaqty komıtettiń jobalyq top quramynda - BUU agenttikteri, halyqaralyq úkimettik emes uıymdar men halyqaralyq ınstıtýttar arasyndaǵy yntymaqtastyq jolǵa qoıylǵan.
Jobanyń barysynda álemniń ártúrli elinen 1700-den astam balaǵa, ata-analarǵa, tárbıeshiler men muǵalimderge olardyń COVID-19 pandemııasy tusynda qalaı ómir súretindigi týraly pikir almasýǵa týra kelgen. Mátinniń avtory jáne ıllıýstrator Helen Patrık jáne qosymsha avtorlar osy alańnan jınalǵan qundy pikirler, kitaptyń sıýjeti men ıdeıalyq mazmuny otbasylardaǵy jáne álemniń túpkirindegi balalardyń arasynda baılanystyń aıyrmashylyǵyn anyqtaýǵa múmkindik beretindigin aıtady.
Álemniń kóptegen tilderine aýdarylǵan kitapty ınterneten, sonymen qatar aýdıo kitap túrinde oqýǵa bolady.