Qazaqstanda baǵdarlamashylardy daıarlaýǵa arnalǵan alǵashqy onlaın baǵdarlama QWANT onlaın mektebi iske qosyldy. Osy is-sharanyń arqasynda Qazaqstannyń sıfrlik ónimder men qyzmetteriniń naryǵy klıenttik jáne serverlik daıyndalǵan baǵdarlamalyq jasaqtama ázirleýshiler legine qol jetkizedi.
Bar oqý prosesi QWASAR Silicon Valley sıfrlik platformasy arqyly uıymdastyrylǵan. Bul Eýropa men AQSh programmalaý mektepteriniń tájirıbesin qoldanýmen qatar úmitkerlerdiń maksımaldy sanyn qoldanbaly bilim kózimen qamtýǵa jaǵdaı týǵyzady.
www.qwant.kz saıty arqyly 2500 ótinishter berilgen bolatyn. Onyń ishinen Hackerrank táýelsiz alańynda 2394 úmitker jiberilgen bolsa, 417 adam eki deńgeıli irikteý kezeńinen ótip, sáýir aıynyń sońyna deıin baǵdarlamanyń seriktesteri AQSh- tyń QWASAR Silicon Valley alańynda úsh deńgeıli oqýdy ótýge qol jetkizedi.
QWANT-tyń oqytýshylary, leksııalary, ári baǵalary joq. Oqý prosesi shynaıy ómirdegi oqý ornyna barynsha jaqyndatqan, al baǵdarlama qatysýshylary ózdiginen nemese toptarda shynaıy keısterdi sheshýge kún saıyn daǵdylanady. Jartyjyldyq ıntensıv tek naryq mamandaryn daıyndaýǵa emes, oǵyn qosa IT daryndaryn damytýǵa arnalǵan. Bul ıntensıv belsendi oqytý qaǵıdalaryna, jobalyq oqytý, geımıfıkasııa men baǵdarlamalaý tilderine tereńdeýdiń roldi modeldeýine sáıkes jasalǵan. Ár qatysýshy bultty ınterfeıs arqyly tolyǵymen avtomattandyrylǵan júıe arqyly baǵalanyp dáris alady.
QWANT baǵdarlamasynyń sertıfıkattaryn alýǵa yntalanǵan úmitkerler kelesi salalar boıynsha daǵdylaryn damytady: qoldanbaly baǵdarlamaý ınterfeısi, jasandy ıntellektiniń praktıkalyq baǵdarlamaýy, veb ınfraqurylym, mashınany oqytý, mobıldik qosymshalar. Erekshe kontentten tys QWANT mektebinde mentorlyk baǵdarlama men mánsap damytý baǵdarlamalary uıymdastyrylǵan. Sala sarapshylary baǵdarlama qatysýshylaryna jan jaqty qoldaý kórsetedi, onyń ishinde baǵdarlama aıaqtalǵan keıin AHQO Bıýrosy arqyly jumysqa turý múmkinshiligi.
Keleshekte QWANT usynylǵan oqý baǵdarlamalarynyń keńeıtilýi men bastaýysh baǵdarlamashylarǵa, IT jáne sıfrlandyrý salalarynda isteıtin basqarýshylarǵa arnalǵan kýrstardy engizýdi kózdeýde. Kelesi qabyldaýǵa arnalǵan qysqa merzimdi baǵdarlama mamyr aıynda bastalýǵa josparlanýda.