Atyraý, Pavlodar jáne Shymkent qalalaryndaǵy úsh munaı óńdeý zaýytyn jańǵyrtý nátıjesinde elimiz boıynsha ishki naryqtyń munaı ónimderine suranysy tolyq óteldi, dep habarlaıdy «QazMunaıGaz UK»AQ jurtshylyqpen baılanys departamenti.
Munaı óńdeý kásiporyndarynda munaı óńdeý áleýeti jylyna 17,5 mln tonnaǵa deıin artyldy, al óńdeý tereńdigi 90%-ǵa deıin ulǵaıtyldy. Qazirgi tańda qazaqstandyqtar K4 jáne K5 ekologııalyq sanattaǵy (tıisinshe, Eýro-4 pen Eýro-5) benzınmen qamtamasyz etilgen. 2019 jyly artylǵan benzın kólemi taıaý jáne alys shetelge eksportqa jóneltildi.
2019 jyldyń qorytyndysy boıynsha Qazaqstanda kómirsýtek shıkizatyn óńdeý kólemi (QMG úlesin esepke alǵanda) 13 822 myń tonnany qurady. Bul 2018 jylmen salystyrǵanda 3%-ǵa artyq.
2019 jyly munaı ónimderin shyǵarý kólemi QMG operasııalyq úlesin esepke alǵanda 12 513 myń tonna daıyn ónimdi qurady, bul 2018 jyldyń kórsetkishinen 361 myń tonnaǵa (3%-ǵa) artyq.