Atyraý oblysynda polıseıler tótenshe jaǵdaı engizilgennen beri 375 ákimshilik quqyq buzýshylyqty tirkegen. Atyraý qalalyq mamandandyrylǵan ákimshilik sotymen 332 iske sheshim shyqqan. Al, 43 is qaralý ústinde.
– Sanıtarlyq-epıdemıologııalyq sharany buzǵany úshin 68 adamǵa eskertý berildi. Sondaı-aq 115 turǵynǵa aıyppul salynyp, 149 adam qamaýǵa alyndy. Tótenshe jaǵdaı talabyn buzý dereginiń 50-den astamy avtokólik ıelerimen jasaldy. Olar keshki saǵat 21:00-den keıin kóshege sebepsiz shyqqan. Al, betperde taǵý talabyn buzǵan 40 derek tirkeldi, - dep habarlady oblystyq polısııa departamentiniń baspasóz qyzmeti.
Joldasbek Kósherbaıuly