Bul zertteýdiń qorytyndysy «Nature Medicine» jýrnalynda jarııalandy. Gýanchjoý men Gonkong ýnıversıtetteriniń epıdemıolog-ǵalymdary atalǵan saraptamany Gýanchjoý qalasynyń 8-shi halyqtyq aýrýhanasyndaǵy 94 naýqasqa júrgizilgen zertteýdiń nátıjesine jazyp shyqqan.
Ǵalymdar vırýstyń 44 paıyzy ınfeksııany taratýshyda aýrýdyń alǵashqy belgileri biline bestaǵanda ekinshi adamǵa berilgenin aıtady. Zertteýdi júrgizgen epıdemıologtar osy saraptama qorytyndysyn COVID-19 órshiýiniń aldyn alýda qoldaný qajettigin alǵa tartady.
Zertteýdiń kirispesinde: «Biz aýrýdyń alǵashqy belgileri bastalǵan kezde jutqynshaqtaǵy vırýstyq júktemeniń (mazok) óte joǵary mólsherin baıqadyq jáne ınfeksııanyń qatty órshıtin ýaqyty belgiler biline bastaǵanda nemese oǵan deıin bolǵan dep boljadyq. Ekinshi rettik jaǵdaılardyń 44%-y (95% senimdilik aralyǵy, 25-69%) otbasyndaǵy baılanys, qoǵamdyq isterde belsendi bolý jáne úıden tys karantın jaǵdaılarynda juqtyrdy dep eseptedik», delingen.