Bul týraly Bilim jáne ǵylym vıse-mınıstri Sholpan Karınova onlaın-brıfıngte baıandady. Vedomstvo ókili pedagogtardyń jalaqysyna qatysty Memlekettik komıssııanyń sheshimi bar ekenin jetkizdi.
– Jalpy memlekettik tapsyrystyń bólingeni jóninde Memlekettik komıssııanyń sheshimi bar. Barlyq memlekettik uıymdar belgilengen memlekettik tapsyrysty balalardyń kelip-kelmegenine qaramastan oryndaıdy. Sondyqtan memlekettik mektepke deıingi uıymdardaǵy pedagogtardyń jalaqysy tolyq saqtalady. Eger tárbıeshi jalaqysy saqtalmaıtyn eńbek demalysyna jiberilse, bul durys emes. Osyndaı naqty faktiler oryn alsa, bizdi habardar etýlerińizdi suraımyz. Biz sol bilim berý uıymdarymen jumys isteımiz. Mınıstrliktiń alǵashqy buıryǵynda tótenshe jaǵdaı kezeńine qyzmetkerdiń jyl saıynǵy eńbek demalysyna shyǵatyn ýaqyty sákes kelse ǵana jiberilýin kórsetkenbiz. Jalaqysy tólenbeıitin eńbek demalysy týraly sóz bolǵan joq, – dedi Sh.Karınova