Nur-Sultan qalasynyń bas ımamy meshitterde namaz oqýdan tyıyla turýǵa shaqyrdy. Bul týraly elorda ákimdiginiń resmı saıtynda jarııalandy.
«О́kinishke qaraı, koronavırýsqa baılanysty karantın sebebinen alǵash ret taraýyq namazy meshitterde jamaǵatsyz oqylady. Árbirimiz saqtyq sharasyna mán berýimiz kerek. Barlyq musylmandardy karantın talaptaryn oryndaýǵa shaqyramyn. Qoǵamdyq oryndarda taraýyq namazyn oqýdan, aýyzasharlardan birshama ýaqytqa bolsa da tyıylý kerek», – dedi Nur-Sultan qalasynyń bas ımamy Erbolat Júsipov.
Aıta keteıik, bıyl qasıetti Ramazan aıy 24 sáýirde bastalady. Qadir túni mamyrdyń 20-nan 21-ne qaraǵan túnge sáıkes keledi.