Jappaı beleń alǵan qaýipti indetke baılanysty «Nur Otan» partııasynyń Almaty qalalyq fılıaly halyqtyń áleýmettik turǵydan osal toptaryn qoldaý úshin birqatar keshendi sharalar legin qolǵa alǵany belgili.
Bul turǵyda tutas el kóleminde qanat qaqqan «Birgemiz» respýblıkalyq kory janynan qurylǵan «Almaty Birgemiz» jobasy da jaqsy isterdiń basynda júr.
Partııanyń aımaqtyq bólimshesiniń baspasóz qyzmeti habarlaǵandaı, «Almaty Birgemiz» qory kómekke muqtaj 23 myńnan astam almatylyqqa 50 myń teńgeden qarjy bóldi. Sonymen qatar «Birgemiz» respýblıkalyq qory tarapynan Almaty qalasyna 2 mln medısınalyq betperde jiberildi. Ol maskalar 40 myń turǵynǵa, ıaǵnı AÁK alatyndarǵa, 1-3 top múgedekterine, erekshe qajettiligi bar balalardy tárbıelep otyrǵan otbasylarǵa jáne medısınalyq-áleýmettik mekemelerge taratylǵan.
«Medısınalyq betperdelerdi jetkizý boıynsha aksııa qalanyń barlyq aýdandarynda bastaldy. Atalǵan sharaǵa 200 erikti jáne 120-ǵa jýyq avtokólik jumyldyryldy»,– dep habarladypartııanyń baspasóz qyzmeti. Aldaǵy ýaqytta da mundaı ıgi bastamalar júıeli túrde jalǵasa bermek.