Búgin kún, 18 sáýirde Almatyda koronavırýstyq ınfeksııa juqtyrǵan jandardyń sany 504-ke jetti.
Senbi kúni Almatyda jańadan 43 adamnyń indet juqtyrǵany anyqtalyp otyr. Indeti jańadan anyqtalǵan 26 pasıenttiń ishinen pnevmonııa jáne JRVI belgilerimen jergilikti baılanysta bolǵandar, 13 adam karantınde bolǵandar jáne medısınalyq jedel járdem qyzmetiniń 4 medısına qyzmetkeri bar.
Keshe Almatyda Covid-19-dan 13 pasıent saýyǵyp, úılerine shyqty.
Olardyń ishinde 2007 jyly týǵan bir bala bar.
«Emdelip shyqan on adam, bular – shetelden kelgender: 6-ýy Ystambuldan, ekeýi Dýbaıdan, bireýi Mınskiden jáne bireýi Italııadan ushyp kelgen, bireýi Balalar qalalyq juqpaly aýrýlar aýrýhanasynyń jumyskeri, bireýi jergilikti vırýs juqtyrǵan naýqaspen baılanysta bolǵan adam jáne 2007 jyly týylǵan qyz», – dedi Almaty qalasy Qoǵamdyq densaýlyq basqarmasynyń basshysy Tileýhan Ábildaev.
Olardyń barlyǵy 14 kúndik úı karantınine emdelip shyǵaryldy.
Qazirgi ýaqytta qala boıynsha emdelip shyqqandardyń sany jalpy 80 adam boldy.
Qazirgi ýaqytta ınfeksııalyq stasıonarlarda Almaty oblysynan bir áıel adamdy esepke alǵanda, Covid-19-dan 422 pasıent emdelip jatyr.
2 naýqastyń jaǵdaıy – óte aýyr, 5-ýinde – aýyr, 106 adamda – aýyrlyqtyń ortasha dárejesinde, qalǵandary qanaǵattanarlyq jaǵdaıda.
Provızorlyq gospıtaldarda 298 adam, onyń ishinde 18-i bala, karantındik oqshaýlaýda – 418, úı karantıninde – 7992 adam bar.