Hımııa páni boıynsha muǵalimder arasyndaǵy álemdik baıqaýda úzdik dep tanylǵan mańǵystaýlyq Jiger Teleýhanov qashyqtan oqytý – ustazdarǵa úlken bilim berý platformasyn daıyndaýǵa múmkindik bergendigin aıtty.
Jas maman Bilim jáne ǵylym mınıstrligi uıymdastyrǵan «Qashyqtan oqytý – oqýshylar men ata-analar úshin jańa tájirıbe» taqyrybynda ótken onlaın konferensııaǵa qatysyp, qashyqtan bilim berý jaıly óz pikirimen jáne tájirıbesimen bólisti.
«Mektep muǵalimderimen birigip mektebimizdiń oqýshylaryna vıdeosabaqtar túsirip jatyrmyz. Odan basqa, qazir óte jaqsy taralyp jatqan chellendj arqyly úıdegi bar múmkinshilikpen hımııalyq zattardy tekserip kórýdi bastadyq. Mysaly, úıde sabyn, sýsabyn, kir jýǵysh zattar jasaýǵa bolady. Bunyń bári – hımııa bolǵanymen, 50%-y -mektep baǵdarlamasy», deıdi Jiger Teleýhanov.
Mańǵystaýlyq muǵalimder stabılızator, aromatızator, emýlgator, boıaǵyshtardyń zııanyn Instagram áleýmettik jelisinde heshtegpen belgilep, ózara chellendj jasap, bir-birine jiberýde. Ony ár oqýshy túsingeni boıynsha oryndap, óz oıymen dıskrıpter arqyly jasaýǵa tysyrady.
«Qazirgi jastardyń kóbi áleýmettik jelilerdi qoldanady. Heshteg arqyly belgili bir muǵalimdi belgilep, osyndaı ádisteme arqyly oqýshylardy oqytý qyzyq bolyp jatyr. Oqýshylar óz qoldarymen ustap kórgen nársesin jaqsyraq túsinetin bolǵandyqtan, bul jerde jańa mazmunǵa kele jatyrmyz. Iаǵnı, bala baǵa úshin emes, ózi úshin oqý kerek ekenin túsinetin sát týdy», deıdi jas maman.
Konferensııa barysynda hımııa pániniń muǵalimi áriptesterin kreatıvti bolýǵa, sondaı-aq, áleýmettik jelilerdiń kómegimen balany qyzyqtyratyn ádisterdi oılap tabýǵa shaqyrdy.