Kópshilik kópten kútken jaǵymdy jańalyq densaýlyq saqtaý basqarmasynan jetti. «Tobyl qalasynda 3 sáýirde gospıtalǵa túsken áıel dertinen aıyqty. Ol osy aıdyń basynda Almatyǵa Mysyrdan ushyp kelgen. Qostanaıǵa oralǵan áıeldi oqshaýlap, gospıtalǵa jatqyzǵan bolatyn. Naýqas qazir qulan-taza aıyqty, erteń aýrýhanadan shyǵarylýy múmkin», - dep málimdedi basqarmanyń baspasóz qyzmeti.
О́kinishke qaraı, búgin túske taman Jitiqara qalasynda 1969 jyly týǵan taǵy bir áıel adamnan COVID-19 indeti anyqtaldy. Oblys ákiminiń orynbasary Marat Júndibaevtyń aıtýynsha, qazir Jitiqaradaǵy aýdandyq aýrýhananyń ınfeksııa bóliminde indetke shaldyqqan 8 naýqas emdelip jatyr. Al provızorlyq stasıonarda 24 adam medısınalyq baqylaýda. Sondaı-aq aýrýhananyń hırýrgııa bóliminde 30 adam oqshaýda jatyr. Olar 28 sáýirde shyǵady. №1 karantındik stasıonarda jeti adam jatyr, onyń beseýi medısına qyzmetkeri. Al №2 stasıonarda jatqan 16 adamnyń bireýi – medısına qyzmetkeri, 11-i - polıseı.
19 sáýirde Jitiqara aýrýhanasynda karantınde jatqan 94 adamnan qan alynyp, taldaý qorytyndysy teris nátıje kórsetken. Qazir olardyń bári úı karantınine aýystyryldy.
Jitiqarada qazir 11 jasandy demalý qurylǵysy bar. Taıaýda taǵy 5 qurylǵy kelip túsedi.
Jalpy 20 sáýirdegi jaǵdaı boıynsha oblysta COVID-19 indetin juqtyrǵan 20 adam anyqtalyp, 1 adam kóz jumdy. Úsh naýqas – Tobyl qalasynda gospıtalda jatyr. Jitiqarada – 16, Arqalyq qalasynda 1 naýqas tirkelgen.
Qostanaı oblysy