Aımaqta karantın jarııalanǵaly polısııa 3 kún boıy oblys turǵyndaryna shekteý tártibin túsindirý, tótenshe jaǵdaı kezinde tártip buzýshylyqtyń aldyn alý jumystaryn júrgizdi. Úsh kún ótti, karantınniń tórtinshi kúninen bastap tártip te, talap ta kúsheıdi.
Polısııa departamenti baspasóz qyzmetiniń málimetinshe, keshe bir táýlik ishinde tártip saqshylary karantın talaptaryn buzǵan 40 adamdy anyqtap, eshbir sebepsiz kóshege serýenge shyǵyp ketken 27 adamǵa qatysty ákimshilik hattama toltyrǵan. Sondaı-aq, kópshilik orynda betperdesiz júrgen 13 adam jaýapqa tartyldy. Úıinen eshbir rastaý qujatynsyz kólikke minip ketken 1 júrgizýshige de aıyppul salyndy.
Polısııa oblys turǵyndaryna tótenshe jaǵdaı kezinde tártip buzǵan azamattar 10 AEK mólsherindegi aıyppul salý nemese 15 táýlik merzimge qamaýǵa alý túrinde ákimshilik shara qoldanylatynyn eskertedi.
Qostanaı oblysy