«Aýyl» partııasynyń oblystyq fılıal ókilderi bıotehnologııalyq ǵylymı jetistikterin óndiriske engizý arqyly indetke qarsy kúreske úles qosýda. M. Dýlatov atyndaǵy Qostanaı ınjenerlik-ekonomıkalyq ýnıversıtetiniń dosenti, tehnıka ǵylymdarynyń kandıdaty Valentın Hadanovıch óz kásiporny «Azımýt» seriktestiginde antıseptık shyǵaratyn jańa óndiristi jolǵa qoıdy.
Tıgen jerin zııandy mıkrobtardan zalalsyzdandyryp, tap-taza etip shyǵaratyn dezınfeksııalyq suıyqtyq M. Dýlatov atyndaǵy ýnıversıtette synaqtan ótti. «Aýyl» partııasy oblystyq fılıalynyń tóraǵasy S. Esmuratov Qostanaı qalasyndaǵy №13 saılaý okrýginiń kommýnaldyq qyzmet ókilderin arnaıy shaqyryp, 120lıtr «Anolıt» dezınfeksııalyq quralyn tegin taratty.
-«Anolıt» - kommýnaldyq-turmystyq qyzmet kórsetý, qoǵamdyq tamaqtaný, bilim berý, densaýlyq saqtaý nysandaryn zalalsyzdandyrýǵa qajet biregeı suıyqtyq. Biz bul óndiristi karantın jaǵdaıynda kommýnaldyq qyzmetkerlerge der kezinde kómek kórsetý maqsatynda iske qosyp otyrmyz . Sebebi olar turǵyndardy jaryq, jylý jáne gazben úzdiksiz qamtamasyz etýmen qatar, turǵyn úılerdi zalalsyzdandyrýdyń aldyńǵy shebinde júr, - dedi partııa fılıalynyń tóraǵasy,
Qostanaı oblysy