Akýsher-gınekolog dárigerler kesir tiligi arqyly áıeldi bosandyryp aldy. Bul týraly Mańǵystaý oblysy densaýlyq saqtaý basqarmasynyń baspasóz qyzmeti habarlady.
Salmaǵy 2,7 keli deni saý qyz dúnıege kelgen. Jańa týǵan náresteden Covid-19-ǵa taldaý alynǵan. Mamandar nátıjesi daıyn ekendigin aıtady, qorytyndy teris kórsetti. Dárigerlerdiń aıtýynsha, qazir sábı ózin jaqsy sezinedi jáne provızorlyq stasıonardyń balalar palatasynda aýystyryldy. Náresteni bilikti medısına qyzmetkerleri úzdiksiz qadaǵalaıtyn bolady.
Eske sala keteıik, provızorlyq stasıonarǵa túsken naýqas áıel júktiliktiń 36-aptasynda bolǵan. Odan koronavırýs ınfeksııasy anyqtalyp, bosanǵan áıeldiń jaǵdaıy turaqty dep baǵalanyp otyr. Ol ınfeksııalyq stasıonarda em alýdy jalǵastyrady. Aıta keteıik, vırýs juqtyrǵan áıeldi bosandyrý oblystyq perınataldyq ortalyqtyń, akýsherlik, gınekologııa jáne perınatologııa ǵylymı ortalyǵynyń (Almaty), ahýaldyq ortalyqtyń (Nur-Sultan) mamandarymen kelisilgen.
Mańǵystaý oblysy