Bul týraly MO qoǵamdyq kommýnıkasııa ortalyǵy habarlady.
Aqtaý qalasynyń 2 turǵynynan COVID-19 anyqtaldy. Biri 1991 jyly týǵan keshegi júkti áıeldiń joldasy. Ekinshisi ol jigittiń 24 jastaǵy áriptesi. Kúni keshe júkti áıelden qaýipti indet anyqtalǵan soń, onymen jaqyn baılanysta bolǵan adamdar da provızorlyq bólimshege jatqyzylyp, synama alynǵan bolatyn. Nátıjesinde eki adamnyń vırýsty juqtyrǵany rastaldy. PTR dıagnostıkalyq zertteý qorytyndysy boıynsha COVID-19 dıagnozy naqtylandy. Qazir naýqastarmen baılanysta bolǵan adamdar anyqtalyp, tekserilip jatyr. Birnesheýi aýrýhanaǵa jatqyzyldy, delingen habarlamada.
Birinshi naýqas turatyn Aqtaý qalasyndaǵy 17 shaǵyn aýdan 82-shi úıdiń podezi keshe karantınge jabylyp, dezınfeksııa jumystary júrgizilgen bolsa, búgin onyń áriptesi turatyn Aqtaý qalasyndaǵy 15 shaǵyn aýdandaǵy 70-shi úı podezi de syrtynan jabylyp, dezınfeksııa jumystary júrgizildi. Epıdemııaǵa qarsy is-sharalar jalǵasýda.
22.04.2020 j. jaǵdaı boıynsha oblysta osy kúnge deıin 16-adamnan COVID-19 vırýsy anyqtaldy: Aqtaýda -8, Jańaózende – 4, Mańǵystaý aýdanynda – 4, onyń ishinde emdelip shyqqany – 2 adam.
Mańǵystaý oblysy