Búgin 22 sáýirdegi Almatydaǵy epıdemıologııalyq jaǵdaı naqty belgisiz. Biraq Almaty qalasynyń bas memlekettik sanıtarlyq dárigeri Jandarbek Bekshınniń málimdeýinshe, megapolıste ótken táýlik ishinde indetke shaldyqqandar sany tómendegideı bolǵan.
Almaty qalasynyń aýmaǵynda 21 sáýir aıaqtalǵansha 693 oqıǵa tirkelgen, ıaǵnı 100 myń turǵynǵa shaqqandaǵy indetke shaldyǵý kórsetkishi – 33,9. О́lim-jitim –5 jaǵdaı (0,7%). 14 jasqa deıingi balalardyń úles salmaǵy – 3,1% (21 oqıǵa).
Indetke dýshar bolý eresekter arasynda basym, onyń ishinde jasy boıynsha: 15-19 jas – 43 jaǵdaı. (6,3%), 20-29 jas – 212 (31,3%), 30-39 jas – 129 (19,0%), 40-49 jas – 116 (17,1%), 50-59 jas – 115 (17,0%), 60 jas jáne joǵary – 42 (6,2%).
Kontıngent boıynsha syrqattanýshylyq: stýdentter – 40, mektep oqýshylary – 15, basqa elderden kelgender – 38, QR UQK Shekara qyzmeti akademııasynyń kýrsanttary – 67, avıasııa qyzmetkerleri – 2, zeınetkerler – 40, jumys istemeıtin tulǵalar – 55, jumys isteıtin tulǵalar – 42, medısına qyzmetkerleri – 383, onyń ishinde OQKA – 263.
Almaty qalasynyń bas memlekettik sanıtarlyq dárigeri blok-postta turǵan Ishki ister departamentiniń 1 qyzmetkeri KVI juqtyrǵanyn atady.
Barlyǵy 12420 baılanysta bolǵan tulǵalar anyqtaldy, onyń ishinde 2247 jaqyn jáne 10000-nan astam áleýetti baılanystaǵy tulǵalar.
14 kúnge stasıonarlyq karantınge indet juqtyrǵandarmen 1388 baılanysta bolǵandar, úı karantınine 7500 adam oqshaýlanǵan.
ALMATY