Ál-Farabı atyndaǵy Qazaq ulttyq ýnıversıtetiniń stýdentteri «100 kitap» jobasyn tabysty júzege asyrýda. Joba aıasynda irgeli oqý oshaǵy óz shákirtteri úshin tanymal aqyn jazýshylarmen shyǵarmashylyq kezdesý ótkizý dástúrin qalyptastyrdy. Bul ıgi dástúr karantın kezinde de toqtaǵan joq.
QazUÝ-dyń fılologııa jáne álem tilderi fakýlteti qazaq ádebıeti jáne ádebıet teorııasy kafedrasy M.O. Áýezov atyndaǵy Ádebıet jáne óner ınstıtýtymen birge «100 kitap» jobasy aıasynda Eýrazııa Jazýshylar odaǵynyń tóraǵasy, Eýropa ǵylym, óner jáne ádebıet akademııasynyń múshesi, Gazı ýnıversıtetiniń oqytýshysy, jazýshy Iаkýp О́meroǵlýmen onlaın júzdesý ótkizdi.
«Halyqaralyq ádebı baılanystar jáne mádenı dıplomatııa» taqyrybynda órbigen onlaın sharaǵa Instıtýt qyzmetkerleri men QazUÝ oqytýshylary, stýdentteri, magıstranttary jáne doktoranttar qatysty. Onlaın baılanys barysynda qazirgi zamanǵy mádenı keńistiktegi álem jáne qazaq ádebıetiniń damýy men basty baǵyt-baǵdarlary, sondaı-aq, shyǵarmashylyq ıntegrasııa, stýdentterdiń kitap oqýǵa qyzyǵýshylyǵyn oıatý máseleleri talqylanady.
Álem ádebıetiniń qazirgi betalysy, ádebıet pen tarıhı muralardy ózara sabaqtastyrý syndy aýqymdy máseleler qaýzalǵan dıdarlasýdan bolashaq tilshi ǵalymdar jaqsy áser aldy.