Koronavırýs juqtyrǵan pasıentterdiń ómiri úshin kúresip jatqan dárigerlerge rızashylyq bildirgen Bolashaq energııasy murajaıy – «Nur Álem» Sferasynyń medıa-qasbetinde «Medısınalyq qyzmetkerler, raqmet sizderge!» degen jazý paıda boldy.
Medısına qyzmetkerleri koronavırýstyq ınfeksııamen kúrestiń aldyńǵy shebinde uıqysyz jáne demalyssyz jumys istep, óz densaýlyqtaryna qaýip tóndirip, mindetterin minsiz oryndap, adamdardy qutqarýda. Olardy qoldaıtyn aksııalar men chellendjder búkil álemde ótip jatyr. «QazExpoCongress» Ulttyq kompanııasy da medısına qyzmetkerlerine alǵys bildirip jáne pandemııa kezinde olardyń aýyr da ıgi jumystaryn atap ótkisi keldi.
Qazaq jáne orys tilderindegi alǵys ár kesh saıyn shyǵady. Sondaı-aq medıa-qasbette koronavırýstyq pandemııa kezinde azamattardy úılerinen shyqpaýǵa shaqyratyn #úıdebolyńyz heshtegi jáne Memleket basshysynyń bastamasymen ótkizilip jatqan jalpyulttyq aksııany qoldaý maqsatynda «Biz Birgemiz!» jazýy kórsetiledi.
Sonymen qatar, mamyr aıyndaǵy merekeler qarsańynda Sferanyń medıa-qasbetin Qazaqstan halqynyń birligi kúnimen jáne 1941-1945 jyldardaǵy Uly Otan soǵysyndaǵy Jeńistiń 75 jyldyǵymen quttyqtaýlar bezendiredi.