Tarıhı ataýlar umytylmaq emes. О́ńirdegi birqatar eldi-mekenderdiń tarıhı ataýlary belgili boldy. Osy rette, oblystyq ishki saıasat basqarmasyna qarasty tilderdi damytý bólimi ózderiniń áleýmettik facebook paraqshalarynda arnaıy «Tarıhı ataýlar» aıdaryn ashty.
Áleýmettik jeliler arqyly oqyrmandarǵa tarıhı aımaqtardyń ataýyn jetkizý. Bul atalmysh jobanyń negizgi maqsaty. Aqmola oblysynda syr búgip jatqan kıeli ólkeler jeterlik. Biraq, oryssha ataýmen atalatyn keıbir aýdan, aýyl atynyń túp negizin birazy bile bermeıdi. Mine, osy rette oblystyq tilderdi damytý bólimi qolǵa alǵan jobaǵa qyzyǵýshylyq tanytqan jandardyń qatary kóp. Olar kún saıyn áleýmettik jelige óńirdegi bir ólkeniń tarıhı ataýyn, eski qonysy jaıly kóptegen tyń aqparattardy jarııalaıdy. Búginde oblys boıynsha 46 eldi mekenniń tarıhı ataýy belgili bolǵan. Onyń ishinde Bulandy aýdanynyń ortalyǵy Makınka qalasy da bar.
–Makınka qalasynyń tarıhı ataýy tarıhı qujattarǵa sáıkes Aıýtóbe, nemese Aıtóbe ekeni anyqtaldy. Osy tarıhı ataýlardy izdesirý barysynda biz birqatar mýzeıler men arhıvterge habarlastyq. Iаǵnı, kómek suradyq. Osy suranysymyzǵa Qazaqstan Respýblıkasynyń Ulttyq mýzeıi qoldaý bildirip, sol mýzeıdiń qyzmetkeri Irına Bekzatqyzy bizge kóptegen ataýlardy taýyp berdi. Tabylǵan málimetterdi halyqqa jetkizý maqsatynda arnaıy áleýmettik jelilerge júkteýdemiz. Bir qýantarlyǵy izdestirý barysynda Sandyqtaý aýdanynyń 10 eldi-mekeniniń tarıhı ataýy belgili boldy. Sondaı-aq, Selınograd, Býrabaı aýdandaryna qarasty aýyldar da bar. Jáne tek aýyz eki tilde ǵana emes arhıv qujattary arqyly dáleldengen. Ol ataý nege ózgerdi, burynǵy ataýynyń maǵynasy qandaı? Osynyń bárin aıdarda anyq kórsetip jazamyz,–deıdi oblystyq tilderdi damytý bóliminiń bas mamany Ásem Jumaǵulova.
Tyńnyń epısentri bolǵan Aqmola óńiriniń eldi mekenderi tarıhı ataýyn qaıtarýy aldymen ádilettiń saltanat qurýy deýimiz kerek.