Vırgınııa shtatyndaǵy Djordj Meıson qoǵamdyq zertteý ýnıversıtetiniń mıkrobıologııa jáne juqpaly aýrýlar baǵyty boıynsha doktorantýrasyn támamdaǵan vırýsolog Iýrıı Kım búgin Jas ǵalymdar alıansy uıymdastyrǵan «Ǵylymtaný» erkin talqylaýda osyndaı málimdeme jasady.
«COVID-19-dyń ańyzy men aqıqaty» atty onlaın otyrysynda ǵalym Iý.Kım:
– Koronavırýs ınfeksııasynyń qaýpi qazirde 1 adamnyń kem degende 5 adamǵa juqtyratynymen ólsheýge bolady. Odan keıin jańaǵy 5 adam árqaısysy taǵy 5 adamǵa juqtyrady. Sonda 5-ten 25-ke, 25-ten 125-ke kóbeıedi.
Qazir qoǵamda COVID-19-dyń qaýiptiligin basqa da aýrý túrlerimen salystyrady. Salystyrýdyń nátıjesimen qazir keń tarap turǵan ınfeksııanyń qaýpin seıiltkisi keledi. Biraq men ǵalym retinde aıtsam, búginde AQSh-taǵy COVID-19-dan kún saıyn ólgen naýqas sany qaterli isikten qaıtys bolatyn adam sanynan artyp otyr, – dedi.