Bul oıyn Stenford ýnıversıtetin bıologııa baǵyty boıynsha doktorantýrasyn támamdaǵan ǵalym Nurlybek Múrsáli Jas ǵalymdar alıansy uıymdastyrǵan «Ǵylymtaný» erkin talqylaý alańynda aıtty.
Bıolog N.Múrsáli:
– Qarapaıym halyq mundaı málimetterdi estimegen soń bilmeýi múmkin. Jáne jańa vırýs olarǵa edáýir jańalyq bolady. Biraq biz – bıolog-ǵalymdar vırýstardy kún saıyn qoldanamyz. Vırýs barlyq jerde bar. Osy salada oqyp, zerttegen adam retinde aıtsam, bıologııa baǵytynda oqıtyn ár stýdent jyl sońynda bir vırýs túrin tabady.
Negizi vırýstardyń ishindegi osy COVID-19 sekildi qaýipti túrleriniń sırek kezdesetinine qýanýymyz kerek. Sonymen qatar halyqty, qoǵamdy SARS (Severe acute respiratory syndrome – Aýyr jedel respıratorlyq sındrom) sútqorektilerdiń ishinde jarǵanatta kezdesetini anyqtalǵanymen habardar etkim keledi
HHI ǵasyr – bıologııa ǵasyry. Ǵylymnyń kóp salasy zertteldi, tolyq zerttelmeı turǵany osy bıologııa baǵyty bolyp tur. Sondyqtan Qazaqstan aldaǵy damytý strategııasyn osy salaǵa burý kerek. Qazirdiń ózinde test-júıemen aınalysyp otyrǵan áriptesterim Qytaıdan ákelingen testterdiń tek 40 paıyz anyqtaıtynyn aıtyp otyr, – dedi.