Aqmola oblysynda 6 myńnan astam turǵyn koronavırýs ınfeksııasyna test tapsyrǵan. Bul týraly óńirlik jedel áreket etý shtabynyń otyrysynda málim boldy.
О́ńirde karantın talaptaryn saqtaý boıynsha jaǵdaı turaqty. Oblys ákimi Ermek Marjyqpaev aýyl sharýashylyǵy, shaǵyn jáne orta bıznes salalary boıynsha kásipkerlikti qoldaý tetikterine toqtalyp, áleýmettik mańyzy bar saýaldardy talqyǵa saldy. Aqmola oblysynda karantın rejımi 31 naýryz kúni engizilgen edi. Sáýirdiń 8-i men 12-si aralyǵynda qosymsha shekteý sharalary qoldanyldy. Bul indettiń taralýyn tejeýge yqpal etip otyr. Qazirgi tańda oblys aýmaǵyndaǵy jaǵdaı turaqtalyp, aýrý juqtyrǵandardyń ósý kórsetkishi 1,2 prosentti quraǵan.
– Búgingi tańda 726 adam medısına mamandarynyń baqylaýynda. Onyń ishinde aýrýhanaǵa jatqyzylǵany 406 adam. Úı karantıninde 524 adam. Koronavırýs ınfeksııasynyń rastalǵan jaǵdaıy 93 adam. Emdelip shyqqandar 20, 36 adam shyǵýǵa daıyndalýda. Onyń ishinde 22 adam 65 jastan asqandar,–dedi Aqmola oblysynyń ákimi Ermek Marjyqpaev,–eń bastysy, adamdar karantın talaptaryn buljytpaı oryndaýy kerek.
О́ńir basshylyǵy kóktemgi egis naýqany úshin tıisti qoldaý sharalaryn qolǵa alyp otyr. Sondaı-aq, saıajaılary bar qala turǵyndarynyń ótinimderi de talqylaný ústinde.
–Taıaýda oblysqa Mınskten 40 adam keldi. Olar eki kún boıy tekserýden ótip, test tapsyrdy. Bul azamattar Býrabaı aýmaǵyndaǵy sanatorıılerge ornalastyrylǵan bolatyn. Tıisti jatyn oryn men tamaqtanýyn qamtamasyz ettik. Test qorytyndysy teris, ıaǵnı aýrý juqtyrǵandar anyqtalǵan joq. Sonymen qatar, sáýirdiń 22-sinen 23-ine qaraǵan túnde Omby qalasynan 80 stýdentimiz keldi. Olar da tıisti test tapsyryp, karantınge alyndy. Jýyq arada synamalardyń nátıjesi belgili bolady,– deıdi oblys ákiminiń orynbasary Aına Mysyrálimova.
Qazirgi tańda Kókshetaýdaǵy «Olımp» dıagnostıkalyq klınıkasynda 3 myń test bar. Odan bólek oblystyq medısınalyq mekemeler taǵy 7 myń testpen jabdyqtalǵan. Selınograd aýdanyna qosymsha 5000 jyldam test jóneltiledi. Tótenshe jaǵdaı rejımi bastalǵaly 6 myńnan astam aqmolalyq koronavırýsqa test tapsyrǵan. Olar negizinen qaýipti aımaqta qyzmet etip júrgen kúsh qurylymdary men medısına mamandary.
Kókshetaý qalasy