Covid-19 vırýsyna baılanysty álemde pandemııa jarııalanǵan kúnnen bastap, elimizde tótenshe jaǵdaı engizilgeni belgili. Bul rette óńirde karantın jarııalanyp, sanıtarlyq-epıdemıologııalyq turǵydan jaǵdaı turaqsyz bolýyna oraı, Mańǵystaý óńirinen 2 aılyq sábı jáne 11 jasqa deıingi barlyǵy 9 bala emin respýblıkalyq emdeý mekemelerinde jalǵastyrady. Bul týraly Mańǵystaý oblysy densaýlyq saqtaý basqarmasynyń baspasóz qyzmeti habarlady.
Sanıtarlyq avıasııanyń kómegimen Almaty qalasyndaǵy pedıatrııa jáne balalar hırýrgııasy ǵylymı ortalyǵyna 5 bala, al Nur-Sultan qalasyndaǵy Ulttyq ǵylymı medısınalyq ortalyǵyna 4 bala jiberildi. Emdelýshi 9 bala ústimizdegi jyldyń 16 naýryzy men 21 sáýir aralyǵynda joldamamen jiberilgen bolatyn.
Mańǵystaý oblysy kópbeıindi balalar aýrýhanasy dırektorynyń emdeý isi jónindegi orynbasary Gúljan Ermekbaevanyń aıtýynsha, medısınalyq uıym karantın rejıminde jumys jasaýǵa kóshken. Bul rette aýrýhanada josparly otalar jáne keıbir emdelýshilerdi jatqyzýǵa shekteý jasalǵan. Al aýdandarmen baılanys úzilgen joq, barlyq medısınalyq keńester telemedısına arqyly júzege asyrylady.
- Negizinen respýblıkalyq ortalyqtarǵa sýbúırek, nesep-tas aýrýy, ótkir aqqandylyq, týa bitken júrek kemistigi, bas mıy isigi, mýkovıssıdoz dıagnozymen jiberiledi. Aıta ketý kerek, eger kishkentaı naýqasta birinshi ret aqqandylyq (leıkoz) anyqtalatyn bolsa, hımııalyq tásilmen emdeý tek Almaty shaharynda ǵana ótkiziledi. Al, biz ózimizdiń aýrýhanada demeýshi em júrgizetin bolamyz. Joǵaryda atap ótken 9 baladaǵy aýrýdyń asqynýyna baılanysty Almaty jáne Nur-Sultan qalasyndaǵy ulttyq ortalyqtarǵa jiberý týraly sheshim qabyldandy, deıdi Gúljan Ermekbaeva.
Mańǵystaý oblysy