– Jyl basynda halyq aldyndaǵy esepti jıynda jol máselesine erekshe aıtylǵan edi. Biz ýádemizdi oryndaımyz, dedi qala basshysy.
Jalpy bul oram qala quramyna engen 41 eldi mekenniń biri.
– Bastapqyda oramda tipti topyraq jol da bolǵan joq. Elektr jelisin jurt shama-sharqynsha tartyp alǵan edi. Aýyz sýdy tasyp ishetinbiz. Qala aýmaǵyna enip, ernimiz sýǵa jarydy, - deıdi oramnyń tóbe bıi Erejep Shermetov.
Búginde oramǵa baǵanalar tartylyp, aýyz sý men joldyń qujaty ázirlengen. Mundaǵy eń ózekti máseleler bıyl sheshilmek. Kezinde tas tóselmeı qalyp ketken kósheler de tirkeýge alynýda.
– Qaladaǵy jol jóndeý jumystaryna bıyl qazynadan 25 mlrd. teńgeden astam qarjy bólingen. Bul – qomaqty qarajat. Ony ýaqytynda ári maqsatty ıgerýimiz qajet, - degen qala basshysy jaýaptylarǵa naqty mindetter júktep, Shymkent qalasynyń quramyna engen 41 eldi mekenniń ınfraqurylym máselesi qaıta qaralatynyn aıtty.
Shymkent